تاتا ورا تاتا
يا قلبى بزيادة
العتبة خطينا
قلنا وغنينا
لك السبع حكايات
وتعلبك لو فات
هيغرق الدبه
فى النهر ولا البير؟
أنا فى الحكاية غفير
قبض التمن دنانير
وماجدى من فضه
الفجر نتوضا
الفرض ينقضا.. وتكمله السنة
جدى اللى كان بنا
بنا قلعة للناصر
وسور كبير واصل
باب الفتوح بالنصر
ومزوقك يا مصر
بالخان والأزهر
تأمل المنظر
للخيل سنابك تعفر المشربيه بغبار
مقدامين الدرج ولسم مع الشطار
وسنقر الكلبى قفلنا سوق ورا سوق
عرق الجنين مسروق
والمحتسب بيعد
عدد الليمون دراويش
بيطردوا الحرافيش
ويمنعوا العامة م الخضرة والجنة
ويمنعوا العامة م الخضرة والجنة
وارثين مفاتيحها
مين اللي فاتيحها
غدرك فصل با سليم الجته عن راسها
زى الحسين بتقيد وتغيط فى حراسها
حسن يا راس الغول
الحبل مش مفتول
ابنكعلىفي السيرك
يشبه أغا م الترك
نسوه ملاعيبه ورقصوه على السلك
تفرح بها الخواجات
وتدفعلوا ألوفات
تمن اللي جايه وفات
تمن اللي جاى وفات