قلبى
اللي انتوا عاملينه
ألبوم صور
لذكرياتكو الحزينة
أنا ضفت له صفحتين
علمت عيني
إزاى تحبس دموعها
لما تشوف رصاصه الرحمة
وهي حاضنه
جريح الجامع المرمى
أنا المحاصر
بين بدر شاكر
وأبو النواس
قررت اواصل
لعبة التمثيل
اخلع عباية عمرو
واكسر الخاتم
اللي حبسني فيه
من ساعة التحكيم
اوعاك تصدق
إن اسحق الموصلي
هو اللي ضاف
وتر للعود
ده البكائين لما عرفوا
إن النواح هيزيد
عملو مساحه
للنواح اكبر