النهضه حلّت مصيبتها
عُمْلِتْنَا خابت بخيبتها
كلّ الفلوس زادت صيتها
وهيّ بارت ف حارتها
يا مرسي شوف لك رجاله
يحموها زي السلطانه
فرسان أسود كدا خياله
نفس النظام كدا متغيرش
الكدب دايما ما بيفرقش
قاللنا عملتنا أصيله
ميهزهاش خمره وبيره
ولا الدولار ولا تحويله
طلعت ياريس مضروبه
لا تساوي فلفل ولا طوبه
حتى السوداني اتخطاها
وكويتي وسعودي نْساها
فيه عمله تصمد من سنتين
غاليه وأصيله على الشّطين
يطلع عليها غراب البين
يقلب كيانها ف لحظة عين
ونقول دي لحظه وها تعدي
أصل الدولار وطني وحزبي
انصر يربّ جنيه بلدي
والطف بعبدك وبْشعبي