ياشايل البندق تبي ترمي القوم
بعض البنادق خلّها في خباها
اهجدوطيع الشور تسلم من اللوم
المشكله ما انته على مستواها
غيرك عن الموضوع غارق في النوم
لاتبحث الفتنه وتكشف غطاها
خلّ الشكاله لو يقولون مهزوم
ترا السلامه من بغاها لقاها
ولاتصدق في سواليف وزعوم
سوالفٍ ويش ترتجي من وراها
ما ينفعك لاقيل فارس وزيزوم
بعض المدايح مايذري ذراها
عسى كلامي لك مقدّر ومفهوم
ابعد من الفتنه وتسلم غثاها