اكفخ بجنحان اللقا صوب مغليك
حرصك رياح الصد تكسر جناحك
وأركب رياح الشوق وأفرد جناحيك
لو فيك باقي شوق يركب رياحك
وأسأل غيابك كم عشقت الشبابيك
وانظر بعين الصبر رفة وشاحك
وأسأل عيون الشوق كم يوم تبكيك
اللي خبرت اهدابها لك تضاحك
وأسأل ليالي البرد وأسأل لياليك
يا هل ترى برد الظلوع استباحك
وأسأل دروب البعد بالحال تنبيك
اللي عليّ اليوم تبعد مشاحك
عل الليالي الموحشه ما تبطيك
وعل الغياب المر يطلق سراحك