البعد ما هو في طويل المسافات
البعد بعد قلوبنا عن بعضها
كم فايتٍ لكن بالقلب ما فات
ويا كم قريب وسكته ما حفظها
يا من سكنتم داخل القلب بالذات
في بنيةٍ طول الزمن ما نقضها
لكم معزّة ما تبي مني إثبات
الطيب والمعروف منكم فرضها
ولاّ كثير من البشر بالعلاقات
تنسى العلاقة يوم تقضي غرضها
وأهل المصالح ما عليهم حسوفات
ذلفت مقيط ولا ترجىّ عوضها
وتعاقب الأيام مثل الفحوصات
تبدي من الأنذال خافي مرضها