نادراً ما كان قلبي ف الهوى يتهوّر
وكنت.. لامنّه تهوّر! أنجو ب أعجوبة
أتلّصص غيبة أحزان المدى واتسوّر
حائط الواقع عشان آآآمالي المنهوبة
أدري اني من ثلاث سنين وآنا أتضوّر
جوع للتنهيد فوق اللهفة المشبوبة!
وامطرت دنياي ليل.. وشفت وجهك نوّر
قلت لا يمكن أبد!.. لا!!.. يمكن الرعبوبة
شافت الوحدة ف عيني والعذاب مصوّر
وحست ان قلبي جفاف..وجاتني مصبوبة!
وازهرت كل العروق.. وخافقي لو دوّر
مثلها.. جته الليالي بالتعب مصحوبة
خايف افقدها... واخاف اكثر إذا ب اتهوّر
يمكن اصبح في نظرها العاشق الأكذوبة!!