يا مبدعه يا طايعه يا كحيله
يا عيوني الثنتين يا احلى أمنياتي
يا مترفه يا جاذبه يا جميله
يا فاتنه يا اطهر جهة من جهاتي
انتي مثل دوله حدودك طويله
وانا ملك حكمه مثبت ثباتي
انتي مثل مخلوق نادر فصيله
وانا العشق لنًادر اصدق صفاتي
تدرين ويش الحاجه المستحيله؟
اللي بجد! احسها صعب تأتي
حاولت ابدلها بحاجه بديله
وأيقنت بانها حسبة المعجزاتي
اني اقدم لك هديه جزيله
تليق فيك ولو ثمنها وفاتي
اهديت ما يهدي الخليل لخليله
واهديت وقتي والضحيه مبأتي
واهديت لك الألماس ودبلت كيله
واهديتك اللي ما هديته لذاتي
يا صبحي اللي ما تلاقى بليله
ابيك تفهمني واسمع ما يأتي:
حبيبتي دام الهدايا قليله
لا تلحقيني شرهتك يا غناتي
كل الهدايا في عيوني هزيله؟
لأني اشوفك كل شيء بحياتي.