تزاحمت في راسي الافكار

تزاحمت في راسي الافكار!!

وعروق راسي دمها فاير.

فكري يعيش بحالة استنفار؟

مع طيفك اللي ل الفكر زاير

خطفتني! قبل تخطف الانظار

وادري العواذل ودّها تعاير...

اخترت احبك من قبل ما اختار

وفالحب لا اشاور ولا اخاير

من وجهك: وجيه البنات تغار

وانا عليك امن البشر غاير؛؛

الحُر من جو الحزن ماطار

وانا في جوّك يالغضي طاير

حزين وافكر بشي ما صار!

وان قالها الله ماهو ب صاير

مؤمن بربي عالم الاسرار..

ما همني لو الزمن جاير

انا خطيت واطلب الاعذار؟

من وجهك اللي بالنقاء ناير

من يوم جيتي، زانت الاقدار

بعدك، على درب الهُدا ساير

انشهد اني بالوفاء لك بار

الله يصيب الكاذب الباير؛

واللحين تبغين الفراق الضار؟؟

عيني ما ترخص دمعها الحاير