ليلي تغير وأمتلئ وجهه أنجوم
ياليتها ماغيرت متعت الليل
تظهر خفايا أسرار وأخبار وعلوم
أخبار عن قابيل وعلوم هابيل
على شعاع عيونها سر مفهوم
لو حاولت تخفي علي التفاصيل
أعشق سواد الليل وأحمل اللوم
ذيك النجوم البيض من غير تعليل
مادام أنا بإحدى الطرفين ملزوم
مقدر ولا عندي على الوضع تعديل
المستحيل إن أمس يرجع لنا اليوم
وأيامنا اللي مقبله كلها حيل
مانيب مظلومن ولا الليل مظلوم
يامحللين أسرار معناي تحليل
ويش النجوم اللي على ليلي أتحوم
تظوي على الوجه الطبيعي قناديل
منها الورق من رشفت الحبر محروم
أللونه والنجوم لليلي له أيزيل
فازت نجوم الليل وأصبحت مهزوم
غارت على حول الأربعين من الخيل
خيلن عرايا مامتطا ظهورها قوم
مرت وانأ خوفي من اللي مقابيل
أخاف تسلك بي معا درب مزحوم
وأنا تعبت ولا معي باقين حيل
لاشك دام الكون لله محكوم
نفس المسافة ميل وإلا مئة ميل
محد يدوم الا الله الواحد يدوم
مرسل على قوم أبرهه طير أبابيل