عطني قلم عطني حبر عطني أوراق
وأعطيك ميثاق الوفى والعقيده
دام القلم لمعانق الطرس مشتاق
مشتاق يكتب للقديم ويعيده
من فوق خد الطرس يكتب وينساق
يرسم على أفاق الزمان البعيده
بينه وبين ألمحبره حب وعناق
حبن قديم وصار مولد قصيده
قصيده تبكي على بدو ونياق
وغزال برآ.. تطرده! ماتصيده
تسكن لها في خيمةن مالها أرواق
..حر وجليّد والعواصف شديده
منحوسةن، حياتها أفراق بفراق
خلقت وحيده وأستمرت وحيده
مجروحةن، جرحآ تمكن بالاعماق
ماجات دنياها على ماتريده
تبكي وتشكي وضعها كيف ينطاق
تجحد مصايبها وتبدو سعيده
على ملامح وجهها باّن الآرهاق
جمالها ماباقين له شريده
قلت الخبر، قالت..بشر ماله أذواق
لا تبحث المجروح جرحه تزيده
عطني أمل لو..؟كأنت خيوطه دقاق
يعيد لي دنياي صفحة جديده
خلك لفعل الخير والطيب..سباق
لو كان تنصحني نصيحه مفيده
قلت أصبري..قالت نفذ صبري وراق
صبري لغيب الغيض ذوب جليده
حتى رحيب الكون في ناظري ظاق
أعيش في دنياي عيشه زهيده
مشرده مالي وطن مالي أرفاق
أنا عنيده والليالي عنيده
أنا قتيلت ناس ماعندها، أخلاق
مقتولةن،من غير ذنب وشهيده
موتي ترى ماهر سبب حب وأشواق
موتي خيال وظمني في رصيده