هل قادر تفكر كيف تكون الشمس بي
قربك و ما تشعر بأي لهيب و تتألم ؟
و لو سألوك عن البدر البضوي الليل
ليك أنواره ما بتبان ؟ بأي لسان بتتكلم ؟
يمين الله لكل سائل جوابي يكون
جمالها كسف شعاع الشمس و لو تعلم
دي روحها بتخفي نور البدر و يجهر
لي عيوني بريقها بس لو لحظة تتبسم
ارتع في الرياض نشوان أنسى عذابي و
الأحزان و امسح بيها هم الدنيا و اتنعم
عسل صافي و مزاج كافور و اقطف من ثمارها
دوام ويبقى هواي عبير الجنة اتنسم
لماها ذهب و افرش بيها صحرائي و تزهر فيها
كل أنواع ورود الريد و في ارجاها تتعمم
يدندن في سماي البلبل الغريد و لو لي مرة
تتكلم يطرب بلبلي و يقسم انه سمع لاحلى نغم
طيبها المسك و العنبر و خمرها لذة للشاربين
يسكر بيهو كل كافر بدين الحب و يستسلم
هداية و نور تتنزل عليه سلام و لو
بس شاف وجيهك مرة يهدم ليك كل صنم