لا ينشغل بالك ولا يضيق صدرك
هذا أنا من حزن في هم في ضيق
ابك انت فوق الناس والناس حدرك
حبك بقلبي شامخ كنه طويق
قدرك تعرفه زين معروف قدرك
مكانته بين الحشا والمعاليق
يغري متيم تالي الليل بدرك
ويذوب صبح هام في بلة الريق
في ذمتي ما شافت العين ندرك
اقسم قسم في كل كل المخاليق
أهيم مع نفسي عن الكون وأدرك
أمرين ما تحتاج لي منك تعليق
انك وطن صدري والأضلاع جدرك
وأغفى على ضحكة عيونك ولآفيق
أموت بك قاع عشق طلع سدرك
واضمى لملحك ريح عطر ومواثيق
وإلا أنا جمر على جال قدرك
نار تواكل للوجيه المطاليق
وتكفى دخيلك بس لا يضيق صدرك
أموووت ما يلحق على صدرك الضيق