ليلة البارح وانا كني سجين
بس اصارع ماتحمل واحتمل
ودون هذي قمت اردد كلمتين
وين غبتي وين صوتك يالامل
قلب مجنونك من الفرقا حزين
والعمل بالله وش هو العمل
ليتني اقدر اصوتلك تجين
وليت مثلي يوم قفى ما صمل
اعشقك عشق بدوي للنجمتين
لا لمع برقٍ ودكدك له زمل
وين رحتي وين غبتي وين..وين
عاشقك من غبيتك كنه ثمل
النواظر وقفت والحاجبين
كنها رجلٍ على متن حمل
لا تخليني كذا للشامتين
طاح نقصي في غيابك ماكمل
لين غنوووااا زودوها حبتين
قلت مات النمل ياواد النمل
سلمك ربي على مر السنين
يوم اشوفك من عذابي ماتمل
ادري انك دمعةٍ في وسط عين
وادري ان العفو لو يشمل شمل
قلبي اللي حافظك وانتي إلمييييييين
القدم ما باح سده للرمل
والدموع اللي تمنى ترجعين
ذود شيخٍ من الشده همل
والفراق اقشر وجرح البعد شين
الضما يذبح وانا ماني جمل
والصراحه باقي في كلمتين
غيبتك ساعه تراني ما أحتمل