اخذتني " نهبه " وتغطرفاك اعماك ..
حقك ولا يلحق من النفس لومه !
اخذتني " بغته " وانا دون إدراك ..
وانا الذي مدرك مجيك ولزومه !
من عينك الكحلا تفشى بي ارباك ..
النظره في كومه وزولك في كومه !
عديت خلق الا انت ماقوى اتعداك ..
سلبت قلبٍ فيك ضاعت علومه !
ارسمك لي اعوام كنت اتحراك ..
في حلم شاعر عل تصدق حلومه !
كنت الخيال المُبهر الي تمناك ..
واقف على درب اللقاء لْ قدومه !
يامرحبا بك عد ما اشغلني طرياك ..
وعد من يُعطى و عد ناس مْحرومه
الله وهبني اياك محلآ مُحياك ..
يا وهبةٍ اجلت عن القلب همومه
دوك الشعور دوك الجسد كلنا فداك
يانون عيني فيك روحي مْغرومه !
أفطن ل خلك مايبي العُمر لولاك
من صحوته داره إلى حد نومه !
واياك تخذلني بعد سلبي اياك ..
في وقتها بشكيك انا للحكومه !