عليها شعري يتسابق دقه وجلّه ..
كل البحور تْسابق في مُحياها !
الطول فارع انفدا الطول والطلّه ..
والشعر ليلٍ كست به ليل يكساها !
والمبسم الخمري ازرا ريقي يملّه ..
ادمنت خمرٍ لذيذٍ في شفاياها !
والعين سيفٍ صقيلٍ دايم تسلّه ..
في وجه قلبي وقلبي من ضحاياها !
والوجه ياعفو ربي / منهو يمّله ..
من نفحه الجنه مخلوقه حلاياها !
والخصرِ ضيّق ياتسنه خصر هالدلّه ..
النار من تحتها والكيف ف اعلاها
الجادل الغانيه الموتَ الحَمر كله ..
كِن الحسن فالنساء فضله بقاياها !
هنوف بدوٍ غزت هالقلب / محتلّه ..
انشهد اني .. اسيرٍ من سواياها !
هقيت ب اني ذهينٍ واني أفطن له ..
وأثر المكر والسِحر أعظم مزاياها !
هي ذبحتني من النظراتِ اي باللّه ..
عز الله انك ( سعودٍ ) في منايااها !