كل غيمه من ، حكاها تنهمر !
واتساءل ليش ماسموها ديم
يُوسفيه حسن ماهي كالبشر !
مرتبتها فوق ، فردوس الرحيم
حسنها وحده يطول فالعُمر !
ولاحضنت ضلوعها عشت النعيم
جامعه بين البدو وبين الحضر
المهم ان نسلها ، نسلٍ كريم
مُرها معسول واعسلها أمّر !
حلوهٍ غنى بها عبدالحليم
خصرها دايم يشكي من الفقر
وردفها ينعم من الخير القديم
هي خلاصه شهد وضياء وعطر
وفيها من الزين ما الله به عليم
هذا اخر بيت وختامه شطر !
زينها فارق .. والله العظيم