انا سعيد : اني حزينٍ بدونك ..
انا حزين : اني سعيدٍ بلياك !
ياحاكمٍ نصف الشعب يهتفونك ..
والنصف الاخر يشتكي من جفاياك
لا صرت مزنٍ وين تهطل مزونك ..
الارض جردا يا شحيح ب عطاياك ؟
ضاقت علي رغم إتساعه عيونك ..
وانا ف عيونك أتعس أسعد ضحاياك
اضمد جروحي من اقسى طعونك ..
وتغلف جْروحٍ جديده بْ هداياك
صبرت مثل أيوب وانا ف سجونك ..
مدري متى الافراج ؟ ابنفض بقاياك
ب تعيش من دوني واباعيش دونك ..
( ' سُحقاً ل بُعدك ثم تباً ل لُقياك ' )
أول اجيك ، وكل همي شؤونك ..
والحين صرت ما التفت واتعداك
طُزٍ ل وصلك ، طُز ب اسوء ظنونك ..
إن عافتك عيني ، تعوفك مراياك ؛)
ماعادني شخصك حبيبك حنونك ..
أفلت يدٍ صادقه ب كف يُمناك
واليوم جاني من يدكدك حصونك ..
احتل قلبٍ كان يفرح ل رؤياك
حرّك شعوري عقب وحشه سكونك ..
رتّب حياتي بعد هجرك وفوضاك
مَلّ الشعب في خافقي ما يبونك ..
هذا نتاج الظُلم واردى سواياك
مابي أخونك مابغى ايضاً اصونك ..
الذنب ذنبك والخطايا خطاياك ؛ )