يا راعي الجمس الجديد المصفح
طعني تبيعه كان تبغى المكاسيب
كم مرة خلى خويه وجنح
حول مقصه بين سود الدواليب
برضٍ خلا ما عنده أحد يصلح
يأبى مهندس بين فكٍ وتركيب
شوري تبيعه كان تبغى تربح
وأشتر بداله يأسنا في شبح جيب
أن جامع غراسة ما تبحبح
يا طي على روس الهضاب الشناخيب
مع العفاشه كنه الريم الأشقح
ون طلع القناص مع حزت السيب
شوف الشبح يا عاد تبي تشبح
مثل اللي شبح للحرار المعاطيب
اسمه خوي الخلا يا تروح
بإذن الولي يوصلك دار المعازيب
وليا دعس له قام فيك يتدنح
امقوسٍ ومسولعٍ كنه الذيب
يا شقته ألا قلت خطوى المسلح
سلاح حدود طالعو زوم تهريب
وشوف قيمته عند المعارض ترجح
والفرق ظهر ينها يتجاريب
والبيضه اللي ما دخل جوفها مح
ما ضن توخذ وليا لقو بها عيب
والجمس دوره مع دوارا تنزح
والخيل وين أدوارها بالمطاليب
والجيش وأهل الجيش ربعٍ مشفح
وين النشاما متعبين المصاليب
وين الضعون اللي مع الحزم تقدح
وين الجبن اللي حموا شممخ النيب
ان شرقوا ياما تعدون الأبطح
وان غربوا ياما يغشون المزاريب
راحت أذكارا اللي بها الأعز الأصبح
أحلام ليلا بين صدقٍ وتكذيب
وهالحين دور السامري والمفطح
بمن وأمان ولا نتعدى المعازيب
كلٍ يحسب أمتار بيته مسطح
والعز راح وحل دور الرعابيب
ما غير في بعض الأوقات تفسح
أما طلعنا شرق ولا تغاريب
بإذن وليٍ دوم بسمه نسبح
صلوا على سيد الهاشمي والأصاحيب