مثل عصفور
ادور براحة ايدينك
و جنحاني يبللها مطر قربك
شقى و حيرة
و تعب مجنون
و انا مسجون في ايدينك
اطير و موطني عينك
مع اني و انا فيها
اموت من الحزن مقهور
رضيت اذبل
و انا اللي كنت ما اقبل
تحت ظل الالم احيا معا من كان
و لكن ما ادري شاللي صار و خلاني اوافق
تنسجن روحي و تسكن في جسد ثاني
و ليه بهالوضع انا اقبل و انا كلي الم مكسور
غريبة حالتي هذي
و اغرب منها قلبي
يحبك و انت سجانه
عجز ينطق بكلمة اه
رغم ان الالم و الاه
دواه و صرخة احزانه
شسمي حالتي وياك
اسميها انا ما اقدر اسميها
و لكن كل من شافوا
وش اللي صابني خافوا
و قالوا هالولد مسحور