من كام يوم اتبدل حالي
عمري ما كان الوضع في بالي
إني فيوم حيتشقلب وضعي
ويضيق صدري جو مجالي
وتلعب بيه بنت الهرمة
شمال ويمين وتقولي حلالي
وأطاطي براسي لما تنادي
تمام يا أفندي ليه تلالي
أنا كنت عزيز بين إخواتي
وعشت سعيد وهمي عيالي
ليه يا إخواتي حالي اتبدل
وليه الحرمة تشندل حالي
قبل ما خدها كانت نسمة
تجري وتلعب جو مجالي
واليوم صبحت في الغولة
خايف منها لتاكل عيالي
دا كانت تحلف بكل قواها
إني حبيبها وعاشقة خيالي
ولما شفتني ماتت فيه
وكانت تحلف بسطو جمالي
قلبي بعتلي رسالة شفوية
إن الحرمة بتعشق مالي
آه يا أخواتي من دا الحرمة
وكيد النسوة وعشق إذلالي
تحكي معايا اصدق قولها
أشوف أفعالها يجري خيالي
امسك قلمي عشان أنساها
تعكر صفوي ويقل مكالي
وله اغلبت من بنت الهرمة
وخلت عيشتي معاها ملالي