في عيونك دمعة الفرقا قدّرْ
وفي عيوني وحي مخدوع الضمير
لا تقول الحظ خانك وانعثر
ولا تقلل قيمة الحظ الكبير
خلّ عيني منك في دنيا السهر
للجفا تختال بثياب الحرير
ما على الآمال من ظلم الدهَر
به يصير القاك وإلاّ ما يصير
ظامي الوجدان وأشواقك نهَر
اسقني من عذب معسول الغدير
الرموش السود والطرف الحوَر
ليتها عن لحظها لي تستخير
أوّل المشوار في حبك قهر
وآخر المشوار عمري به خطير
نشوة المفتون بك نشوة زهر
ورد غصنٍ عانقه نفح العبير