هم الأيام والجرح القديم الجديد
كل ما قلت طبت شوي جتني جميع
أتصبّر ولكن الصبر ما يفيد
والهقاوي تساقط دون رأسٍ رفيع
قلت للهاجس اللي منه همي يزيد
طاع قلبي ونفسي ترفضك ما تطيع
أرحم الحب شوفك يالقريب البعيد
في فياضٍ من الفرقا زهرها ربيع
تقطف الزهرة اللي بين شيح وعضيد
وزهره في فؤاد مشوكات النقيع
فيك أحلى الكلام وفيك أغلى القصيد
الصحيح أن عيني بك نظرها يضيع
من عشقتك وأن أعشق كل رأيٍ عنيد
للخطا منك في قلبٍ يودك شفيع
عيدهم الليالي في عيون الوحيد
وحلم ربي على ما قال الأول وسيع