أنتقي للجدر سيسان قطيبه
لجل يبقى البيت ماتذكر عيوبه
فرق مابين الهشيشه والصليبه
مثل فرق الشرق للشمس وغروبه
والجزايل قسم لي ماهي غريبه
نضمها ماهو يجيني بالصعوبه
واشهد أن الذيب يعجبني قنيبه
لاعدى فالجلب يأكل من قلوبه
وان تعرضني هتل ماني مجيبه
حافظٍ قدري عن اللاش وحروبه
مامع الحصني سلاح الاذنيبه
الخساره يوم اردّ الوجه صوبه
الله اللى حطّ لي حشمه وهيبه
ماتجيني من (فلان )ولا قروبه
ماورى الخايب يكن ريبه خيبه
يالله انك لاتحملني ذنوبه