هاجس الذكري سرى بين الضلوع
لين ضاق بناظري كل اتساع
كل ذكرى الآم وجروحٍ تروع
داخلي كله صراعٍ في صراع
وظاهري للناس يضوي بالشموع
أزرع البسمات والواقع ضياع
وكل سهم سام ما تصده دروع
مركزه بالقلب ما واجه دفاع
يسألوني وابتسم بين الجموع
عن معاناتي أقول أمر يشاع
ما جمعته بالعمر راح بسبوع
شفت ما حبيت بحلوق السباع
كنت أنا رجل طموحي في طلوع
لكن الدنيا نزول وارتفاع
وقمة الأمجاد لي فيها ربوع
إنما الأقدار كم ترمي شجاع