طيرّتنا عواصف حزننا عن شجرنا
ليلة إنِّا حديث اوراقها من غنانا
غافلتنا، ولا ادري وين ومنين طرنا
وادري إن الفضا مهما اتسع ما احتوانا
قلت لك: هالزمان اللي نفانا خسرنا
قلتي: ما باقي الا هالمكان ونفانا
قلتي: هالكون ما به حزن يشبه مطرنا
قلت: وما به مطر بالكون يشبه ظمانا
وابتدانا السكوت اللي تطاول سفرنا
حين عَّز الكلام اللي يليق بهوانا
من هنا شفت فرق قلوبنا عن صورنا
لاكتبتنا الشجون وكل عرقٍ قرانا
حنا كنا نعاند في مدانا، واثرنا
نزرع الحلم بأرض الواقع اللي جنانا
معصية حظ كنا، والقدر ما غفرنا
مدري صوب الضياع السرمدي به هدانا
يا ظما محمدك يا غيث روحه، نهرنا
بوحنا حين.. لين الصبح يحضن ضيانا
حين كنا نتصاعد بالمعاني، وصرنا
نبتديها هواجس مثل مطلع بكانا
من هكالليلة اللي جاب فيها خبرنا
ذابح احساس، خنحر ياس، شوّه مدانا
كم صباحٍ عَبَر من بعدها ما انتظرنا
والاّ كم ليل كنّه لا حضر ما لقانا
بَعدها وان نوينا بالاماني سهرنا
ضيعتنا هبايب صمتنا عن غنانا