مصلوب علي الزنازين
أدي الفريضه فوق
شق الحجاب نصين
تحت القدم بالقدم
داس الصخور باللين
شدد علي المبتدأ
كان الخبر مسامير
يا معشر التايهين
فرش الجبل مزامير
وعشقتوا فيه عشقكم
فرد الكفوف بالخير
طوبي للمساكين
للحربه والسكاكين
والطوبي ليهوذا
ماكلهم خاينين
مات النبي والنبي
يا حوا بزياده
لو كان ادم متسبي
سَيَب الضلوع عاده
والهجر له قوانين
سال المسيح عراف
كلامي كله امثال
مليان بمليون كاف
وجيت عشان ارفع
كل اللي وطي وخاف
ضربوني كف وعين
عشقوا التراب زايلين
سكت الكلام لحظه
سأل المسيح طيب
ايه لازمه الكلمه
خليها بالجمله
قولي الصليب من فين؟