أنا بخير... وعارف سرور طيّب
ومشعل أموره كلها الحمد لله
بس انت وينك؟ يا البعيد القريّب
أقفيت مثل الغيم لامن نسى ماه
مر في بالي البارح كلام وكلام
يعربه من قدر يقراه ويترجمه
قلت يا تركي رويّع عليك السلام
من قلوبٍ بحبك كلها مفعمة
أنت غايب... وكنّك غايبٍ عام
شفت كيف الزمان... وسطوة العولمة؟
موجع الوقت حتى لو غشاه الملام
ما يجوز نتعذر فيه! أو نشتمه
لو مسافاتنا مثل الصفا والمقام
كل واحد حسب قلبه تسير قدمه
كلنا غايبين ب حلّنا... والحرام
في صدور الغياب نعلّق الأوسمة
خل هذا... وقلي... كيف امورك؟ تمام!
وكيف حال الصغار وروحك المُلهمة
أنت سولف وانا عندي كلام وكلام
من قلوبٍ قرت حبك وانا اترجمه!