من ثمان الا ربع وانت ما انت اللي زمان
انت صرت انسان ثاني ما اعرفه من تكون
شفت كيف القلب مجروح من قل الحنان
شفت كيف الشك ممكن يؤدي للجنون
كيف قلبك ما التفت لي؟ وكيف الحب هان؟
يوم تتركني على الدرب في يدين الطعون
دامي اطيب قلب. معقول.. ما عشت بأمان!
ليه تفتح باب شك ونوافذ للظنون؟
آآآه من قسوتك وآآآهين من ضيق المكان
يوم صار الكون سجني وسجّاني يمون!
إنتصف ليلي وليلك ووقت الدمع حان!
طاب سوق الدمع فالعين من طيب الزبون!!
ابتدا المشوار يالحزن وجروحي كمان
ضجةٍ ما تحتملها تراتيل السكون
بانتظر وش عاد يعني تجي الساعة ثمان
ليه؟؟ ما تدري حبيبي بحياتي من تكون؟
أنت حاجه ثانية ما يغيّرها الزمان
أنت... كل الناس عندي... يابو قلبٍ حنون