يارب وابل خير وان ما حصل طل

يارب وابل خير وان ما حصل طل

يحيي هشيم الحظ من بعد الانكاف

تعود فيه الروح والحلق يبتل

ويرجع جميع اللي فقدناه اضعاف

احيان احس اني مميز عن الكل

انسان واضح اجتماعي وشفاف

واحيان احس اني مشتت ومختل

واللي على راسي عساكر. وسياف

واحيان احس اني جسد يتبعه ظل

لكن ضله لا مشى ماله اطراف

يارب جتني ناس تشكي من القل

وانا لها لو كان بالبير غراف

لكنك اعلم بي وانا ماني بكل

مستور حال ولاعلى حالي خلاف

ناس على كثر العوز ترفض الذل

ما تطلب المده ولا تسأل الحاف

وانا مشتت بينهم ما معي حل

والحمل ما تقوى تحمله الاكتاف

لو قدموا عزايم مزاين البل

ما توقف الحرة على باب صراف