يا رحلة الحب يا أجمل عناويني
مع عذبة الشوق والإحساس وشعوره
أول دروب السفر بك هي تمشيني
في درب حبك وفيك الدرب مسرورة
لاسرت في رحلتي لك لاتخليني
أسير ليلٍ ابد به ما انبلج نوره
عن سر ليلي وليلك بس حاكيني
وعن خيل الإحساس والتعبير والصورة
نسايمك نودي اللي بك تسهيني
من فجر لين الفجر والعين معذورة
وبل المشاعر تزفه لك دواويني
أجمل صباحي صباح الخير سنيوره
دولاب عمر المسافة سكة سنيني
مجبور لازم يتمم كامل سطوره
أغيب واجيك وأنتي في شراييني
وخباز شوق المدينة شب تنوره
حب السفر رحلتي والليل كاسيني
صباح عمر الهوى تغريد عصفوره
باتت على غصن ذاك الخوخ والتيني
من شان تعلن بصبحك للبشر نوره
يارحلة الحب يا أجمل بساتيني
بستان حبٍ تراه الناس أسطورة