عشان انتي حياة قلبي
وْهوى عمري بنتسامح
ولو يتقال كلام يجرح
قوام ننساه ونتصالح
وبحر الحب عشنا سنين
على شطُّه بنتهنَّى
وسافرت فيه مراكبنا
وتحت الشمس نتغنى
يقولوا ازاي كلام غضبان
كنقطة حبر بتعكَّر؟
وميَّة بحرنا الصافي
بكلمة قال بتتغير!
مفيش اتنين من الحساد
بيسْلم والله مشوارهم
ومين غير التسامح مين
هيكتب أحلى أشعارهم؟
سماحنا سحابه هتمطَّر
ويرجع بحرنا أحلى
بشمس الحب نتدفَّى
جميله بنورها أو ضلَّه
حبيبتي قلبها مسامح
ومهما يكون بتصفى لي
ولو غلطه بوسع الكون
تقول لي نسيتها يا غالي
ولو غلطه بوسع الكون
تقول لي نسيتها يا غالي