أنا شفت البراءة اليوم
بتتجسِّد لكل الناس
فى بنت بترفع اليافطة
جميلة وكلها إحساس
تقول للنجم لو ممكن
تجيب جونك يصبَّرْني
ده انا خايفة تسهَّرْني
وعن واجبي تأخَّرْني
أتاري الفرحة متواعدة
وحالفة لتجبر الخاطر
وده مش حظ أو صدفة
ده ربي بيجبر الخاطر
هدف غالي بيسعدها
بتوقيع "مو" في آخر وقت
غيوم الحزن يبعدها
وشمس الفرح نزلت تحت
أكيد فيك حاجة للمولى
أكيد الأم داعية لك
وشوف جمهور في كام دولة
بكل الحب غنَّى لك
ودي طفلة يا (أبو مكة)
بكل جموع محبينك
ويافطتها كما الشمعة
هتفضل قايدة فى سنينك