أنا وانت
لو قلنا شيء
في بلدنا للصالح
فيه ناس كتير
وسطنا
بيصيدوا في المالح
وإن قلنا ليه
إسرائيل نعاملها بالحُسْنى
نتهان ف البوسنه
وعِدانا معاها نتصالح
ع الفتنة عايشين
وخفافيش ضلمه يا اخواننا
كارهين
علاقة الحيطان
بينها وبين بَنَّا
قاطعين
حبال الاتصال
بين النخيل والنيل
وإن سمعوا مواويل
يقوموا يلموا مين غنى
قاطعين
لسان الجنين
من جوه بطن امه
ويسقطوه لو كمل
ويكفنوه بدمه
وإن شافوا عيل بيحبي
يكهربوا العتبات
وشبابنا لو فات
يحطوا المشنقة ف كمه
خفافيش
ضلام