قلبي يقول خسارة

قَلْبِي يْقُولْ خْسَارَة

وْعَقْلِي عَايَشْ مْرَارَة

وَأَنَا بِينْ قَلْبِي وْعَقْلِي مَحْتَارَة

قَلْبِي عْشَقْ مَنْ نَظْرَةْ عِينْ

وْفِكْرِي تَايَهْ مَانَعْرَفْ فِينْ

دَقَّاتْ الْقَلْبْ مَا تَرْفَقْ

وْلَعْقَلْ مَرّة يَشْرَقْ وْمَرَّة يَبْرَقْ

وَسْوَايَعْ مَاتَرْفَقْ غَدَّارَة

وَانَا بِينْ عَقْلِي وْقَلْبِي مَحْتَارَة

قُلْتْ نْكُونْ بْحَالْ غِيرِي

وَنْحَكَّمْ قَلْبِي

إِنَّمَا حَاجَة فْقَلْبْ ضَمِيرِي

تَمْنَعْ حُبِّي

كِيفْ لْمَعْمُولْ وَشْنُو مَصِيرِي

يَا سِيدِي يَا رَبِّي

لْهَمْنِي بَيْمَارَة

وْمَا نَبْقَاشْ

بِينْ عَقْلِي وْقَلْبِي مَحْتَارَة