كثر مايزعلك خبل وكثر مايشتمك مطفوق
كثر ماتكبر بعيني واشوفك فوق خلق الله
نعم واللي خلقك اني اشوفك في عيوني فوق
مثل هاك النخيل اللي يظل الناس في ظله
تسلطن لعنبو رجلٍ لبس ثوب الفخر مشقوق
مادام ان الفخر كفوك تسلطن وانت كفوٍ له
ذكي قائد محنك ياعسى الله مايجيك بعوق
عسى من يرجي العله تصيبك صابته عله
خلف لا ياخلف جد المراجل والأدب والذوق
يخلف الله على رجلٍ يبي في سيرتك زله
أنا لا من ذكرت اسمك اخافه يكسر الطاروق
لأن اسمك خلف يعني خلف هذا الشعر كله
انا ماجيت أبمدح بك وانا لو بمدحك مسبوق
ولكن جيتك ببيت ٍ يخصك أنت وافطن له
اذا هالمرجله تعشق وقيل ان في لها معشوق
ترى ماغيرك بعيني لها من بين خلق الله