أمنت بخالق الكون الرحيب وماحواه أمنت
له الحمد وله الشكر وله الفضل وله لمنه
ماغير الله عليم بحالي، إن أخطيت وإن أحسنت
ولاغير الله بيده العافيه والناوالجنه
أنا فالكون ذرّه من تراب الأرض مهما كنت
لكن الله هداني وإلتزمت الفرض والسنه
أنا واحد من المليار مسلم، زنت ولاّ شنت
عسى ظني بربي زين والمسلم على ظنه
ولا ياهاجسي حضّر وهات الغايبه لاهنت
طرالي ماطرا ورعود رأسي جالها حنه
ولا ياللي تناديني وتخفي صوتك، أنت إمن إنت؟
خلصنا والقرار الصادر أذانيك سمعنه
وأنا صوتي طويل ليا رقيت المئذنه وأذنت
يلجن الجبال وكل وادي تختفي جنه!
ترى والله مالومك لو قضى صبرك ولو حزّنت
حمسك الهم في ضلع الندامه حمسة البنه
ترى محدٍ درى بعلومك، إن أسررت وإن أعلنت
تون وكل ماقالو علامك، تخفي الونه
حبيبي يوم أراد الله وكونّاك، وش كونت
ورى قلبك نسي كل القلوب اللي يحبنه
بنينا لك بيوتٍ مادخل فيها حجر وإسمنت
يذرّن الموفق، والملفق مايذرّنه
ولعبنا لعبة البيلوت، من شأن الولد والبنت
على صن ودبل ووالصنه الصنه