ثلاث عدوا وانزلوا قالوا اثنين
واحد صفر وانهدت الخيل طوفان
خيل الدول تنعدّ فوق الثمانين
عَلَى عِدَدْ خيل الدول عِد فرسان
صار المدى كِلِّهْ صهيل وعناوين
مهره فلانيّة وذا الفارس فلان
مِنْ كيلوات الدرب اميه وستين
سباق يعذر طوله الصلب لَي لان
كِلٍّ عَلَى خيله هقاويه ثنتين
واحنا لْنَا هقوه ولخيولنا شان
الفوز ثم الفوز مِنْ دون تخمين
لَي مَا هقا للوثبة الفوز غلطانْ
يَا خيلنا يَا مرجفات الميادين
العاديات السابقه وقتها زان
يا خيلنا ندري عَلَيْنَا تغارين
واحنا عَلَيْك لغيرة الدم فرسان
صبرٍ جميلٍ نصبره يوم تمشين
ولَي مِنْ مشيتي يصبح الصَّبْر نيران
فينا وفيك مِنْ الحماسة تشبين
جمر الرجال اللّي عَلَى العز تيجان
والفارس اللّي يحذروه السلاطين
منصور أبو زايد عَلَى الحسم سلطان
امره نفذ وآمر سموه تكونين
انتي السبب لَي مِنْ خسر كِلّ خسران
الكاس للوثبه السنه ومقبل سنين
وان قدّر الله ماتبا خيلنا كان
مبروك أبو زايد تهني الملايين
منصور يَا المنصور فِيْ كِلّ ميدان