هي فارقتني وانتهت رحلة الامس
وعودت اردد ذكرها في لساني
اضرب بكف الحزن خمس على خمس
واقول يمكن بس ترجع عشاني
العمر روح والليالي لها رمس
تهزني هز المطر للسواني
تعبت من لفح الشتا ودي بشمس
تكسي نهار الغيم بين المواني
احيان اسولف به مع خاطري همس
واحيان اسولف له بلاوي زماني
وافز من نومي وناخاطري عمس
حتى منامي يابعدهم جفاني
وردن غرسته في سنين العمر غرس
شوف ذاك الورد كنه نساني
واللي ذبحني جد نظراته الخرس
لاسلهمت بالعين من يم ثاني
هذي سنه مرت وماكنه يحس
يجي يشوف شلون وقتي حداني
أخذت من فرقاك ياقاتلي درس
يعني كذا قدري بنظرتك هاني
ادري نسيت ورجعتك مالها هس
لكن فقدتك واحتوتني الاماني