يا فخرها الأرض لو شالت دماك
طحت طيحة عز نواف الشهيد
المعزة ماخذها انت معاك
والمذلة شاردة عنك بعيد
ثابت مثبت بدمي غلاك
أنت أقرب من عيوني يا فقيد
كل خيالي حولك ويسمع نداك
ولو ندهتك صاحبي جرحٍ عنيد
شوف قلبي شايل جروحه وراك
وغير ذكرك يا غلاتي ما نريد
سال دمعي كل ما شخصٍ طراك
يرحمك ربي عسى قبرك مديد
ليت عمري يا بعد عمري فداك
انت اخوي وصاحبي باسمك اشيد
ليت قبل تروح انا رايح معاك
والرصاص قبلك على صدري نضيد
صاحبك والله يومٍ ما نساك
ما نساك الي فقد اغلى عضيد
لو اعاشر هذا وهذا وهذاك
ما فيه مثلك يا اسد بين العبيد
مدري اخلاقك وطيبك مع حلاك
مدري شيمة خذت قلبي اكيد
الشجاعة يا اسد تبغى معاك
ثرت والغدار شافك حديد