يا قبح عذرك لو يجي عذرك على صيغة ملام
وش قيمة الاعذار اذا ما جبرت كسر الشعور
فعلك ترى حكمه بمنهاج الهوى عيب وحرام
ما يجبر كسوري ابد هو يصنع بقلبي كسور
بذلت لك كل المشاعر والوفا والاهتمام
وجازيتني جزية سنمار وتماديت بغرور
لا تبخل بوصلك ترى وصلك وانا مهموم هام
ما غير شوفك يا حبيبي يملي فوادي سرور
استحلفك بالذكريات الماضية من كم عام
ومغازلك بابياتي المتضوعة عطر وبخور
إنك تعود لطبعك الأول وتغمرني وئام
وتعيد لي بعض ابتهاجي والثقة بين الحضور
ما تذكر ايام السعادة في بدايات الغرام
شلون تنساها وتتركني وانا من غير نور
عاهدتني بانك تصون الود باحسان وسلام
وانا انتظرتك توفي بعهدك ولو ماني صبور
بعد الصبر ما شفت عندك للمواعيد احترام
يا اللي مواعيدك تذكرني مواعيد بلفور