يقول عيسى وعيسى يرفع أقواله
ويقول من رأس ماهو ينسخ أشعاره
إن جاء على الكيف نظم الشعر وأمثاله
والا أطلب العذر والأجواد عذاره
غلطان من يحسب إن الوقت يصفى له
وإن صفي تاره يعكرها مية تاره
يمضي بنا الوقت من حاله إلى حاله
وتدور الأيام والأيام دواره
يموت الإ نسان ويحاسب على أعماله
ولا بياخذ معه ماله ولا داره
قارون وأيش إكتسب من كثره أمواله؟
وفرعون لم ينقذه جيشه من أقداره
وكلنا يعلم إن القبر منزاله
وأما إلى جنته والا إلى ناره
وكل واحد بيسكن قبره لحاله
وحده يحاسب ووحده يحمل أوزاره
نعوذ بالله من الشيطان وأفعاله
خسران من طاوع الشيطان وأشواره
وخسران من زاد سياته بجواله
وخسران من قال قول يقل مقداره
وخسران من قال ما يخطر على باله
وخسران من ضاق صدره يكتم أسراره
يكشف نواياه وأسراره من هباله
عند الذي في ثواني ينشر أخباره
ما يكسب القاله الا راعي القاله
والناس نوعين فعاله وثرثاره
واللي يحارب بسيف الغير وسلاله
مثل الذي يستعير الشي من جاره
والكيد لوكان يقتل ماتوا خلاله
والحر من يفهم التلميح بالشاره