نامت عيون النهار

نامت عيون النهار

وانهار .. عَ الشمس ريح وضباب

لِف الصِبا رَعشِتُه

وسط الدِمَا فرشتُه

من الهموم ألتحف .. بسكون مدى وغياب

مَكتومة يا صرختُه

مَبحوحَة يا أنتُه!

مليانه فُرقة ليل ..

مليانه شوق وعذاب

أمانة يا من تاه ..

مع العدا في مَداه

لو كنت داهية وكنت ..

من الديابه أمكر ..

أذكر قوى الرحمان

ان كنت نار أو جان ..

ربك قواه أكبر

نامت عيون النهار بفعل مين صلبوه

والليل صحيح اتفرد

ع الحي بعتامه ..

لكن

بعون الإله ..

وبعزم أشواقنا ..

طوق الوجع ينفك

ويا إما فجر يعود .. يا .. يتامى بيتامى .