العبيد للسيس

العبيد للسيس:

لما بَلْمًحْ بدْلِتَكْ

بتصبنى نوبات السعاده

ويزيد سرورى بِطلِّتك

أوطى ألحس ف البياده

يِكْفِى سعادة رؤيتك

ياللى حُبَّك دين عباده

السيس

آه يا بقر

آه يا زريبة العبيد

آه يا حثالة البشر

يا لاحسه ف بيادة الجنود

كل حاجه تصدقوها

وكل مادَهْ ف كِدْبى ازيد

دا الإخوان دولم خَطَرْ

وعايزين الخلافه تعود

عايشين لإرهاب الوطن

وقتلم جنودنا ع الحدود

طبعاً إنتو مصدقين؟!

لو قلت ليكو

هيقتلوا بنت وإبن

برضو إنتو مصدقين؟

والله ما يلزم بقكو

غير حزمتين

برسيم وتِبْنْ

ردى على السيس:

والله براوه عليك يا سيس

سَجِّدْت الشعب الشريف

ياللى مرمطت العَلَمْ

وجعلت منو عار وزيْفْ

وعمَّال تغنِّى للوطن

ويألفولك ميت نشيد

وبأمر وبْجَرِّة قَلَم

تِجْمَعْ حواليك العبيد

رد على العبيد:

أه يا جبان

ياللى مِسَلِّمْ روحك للسكوت

تِحْمِى اللى خان

هو عايش فوق خِدَاعَكْ

وانت ليه مقَضِّيها موت؟

شعب شريف ف عيون حكامه

تافه

ومالوهش أى لازمه

بيبرْسِموه ويْتَرَّعوه

وبيصحوه وينيموه

ويجمعوه ويصرفوه

ولما ياخدوا اللى يعوزوه

بيضربوه بَوْسَخْها جزمه

ولما تانى يحتاجوه

يقوموا أيه

يخْتِرْعوا أزْمَه

ولما يعملوا أى جريمه

مره تانيه

يفوضوه

ويطْلَع الشعب الشريف

يملا الشوارع

ويْطَلَّعوا معاه العتاوله

وبلطجيه

وطفل جايع

وبيهم يضربوا كنيسه

وِمْعَاهَا جامع

ويطلع الشعب الشريف

على طول ينادى

تِسْلَم الأيادى

وبعد ما يخلَّص هتاف

يدُّولو مَمْ

ويطلع الجيش الشريف

يقولّوا يا جَمَلْ كُلْ

يالّا هَمْ

كُلْ يا جميل وما يهِمَّكْشْ

بس خليك مع لميس

وقضِّيها عُكْشْ

وخليك ف السياسه يا شريف

دايماً مالكش

الشعب الشريف:

حاضر يا قلبى معاك تمللى

خد منى عقلى

واملا كِرْشْ

يِسْ

هِشْ