عزاه يا قلبٕ تراخت عراويك
وأرخيت له حبل الوصل لين خانك
كنت أحسب إنّي بالحنايا أداريك
وأثْرك تدور بالمفارق أوانك
روحي عسى درب الجفا ما يوديك
للي يصونك مثل صوني لشانك
ما كنت اصدق ترخص إنسان شاريك
يا بانيه وسط الضمير استكانك
خنت العهود اللي بها كنت أمنّيك
بأرخص ثمن بعت الوفا وطاح شانك
والله ما عاد الهوى يلتفت فيك
ولا عاد يغري هالقصيد امتنانك
جرحك عميق وموجعٍ قلْب مغليك
طحتي من عيوني وتهدّم كيانك
أسقيتك بكفّي وقبّلت أياديك
وأثْرك تدسّ السمّ داخل لسانك
يا ليتها كانت طعوني ب أعاديك
ما كان لامتني الضلوع لضمانك
غديت مثل اللي عن الشمس يذريك
واعميت عينه وكم تحمل عشانك
غدرك سكن في عين كانت تراعيك
يا شين وجه الكذب في وجه خانك
لا تعتذر جفّت غصون الرجاء فيك
مات الوفا والذنب ذنب ائتمانك
لو تذرف دموعك دهر ما تبرّيك
معدنك بَيّن وانكشف لي هوانك
خلتك سحابٍ ماطر لقلب يرجيك
وأثْرك صواعق أحرقَت لي جنانك
نثرت لك ورد العمر في مرافيك
يالين عمري ضاع رجوى اقترانك
يا لوعة الخفاق يومٕ يصافيك
ويشوف غيره يرتوي من حنانك
قصّيت ريش اللي بريشه يذريك
وأطلقت ريح الغدر وأنا بأمانك
هدّمت صرحٍ كان بالحب يبنيك
وأصبحت أطلالٍ تِذرّي طمانك
كسّرت غصنٍ كان بالود يحميك
وجفّت عروقي من جفا خيزرانك
أشعلت شمعي لك بعتمة لياليك
وأطفأت نوري في عتيم جحدانك
كنت المنار اللي بدربي يقدّيك
واليوم تِهنا في غياهب هوانك
جرحك خَذَلني ليت ربي يجازيك
"نفس الشعور" اللي كسرني عشانك
صدمة رحيلك كنّها الموت وانعيك
ما عاد يشرق في فؤادي زمانك
غدرك وشم في جبهة أيام غاليك
لو تمسحه يبقى أثره ببيانك
يا ليتني من قبل احبك مخليك
ما كان عمري ضاع وانا بوزانك
ما كنت لك واحد عن الكل مغنيك
ويا كثر من أغناك عقبي امتهانك
زلزلال غدرك هزّ قلبٕ مصافيك
والله حسيب اللي على البعد عانك
حتى المكان اللي جمعني بطاريك
نفس المكان اللي كشفك وأدانك