جايز حروفى تكون كلام عادى
ويجوز تكون طالعة بصوت مبحوح
يجوز ويمكن وإحتمال لكن.
أحلف بإسمك إنها صادقة
وطالعة صافية من صميم الروح
وكل حرف كتبته كان عنك
منك وليكى مهما كان طعمه
ماهو انتى فرحى والبكا والنوح
ياللى فهواكى لقيتنى بتعلم
أكتب وأقرا ونفسى أكون شاعر
ينزف مشاعر لما يتكلم
وانااللى عيشت العمر وإيدى شقيانة
ونصيبى أفُك الخط بالعافية.
ماليش فى تزويق الكلام خالص
لكن بطين الصدق أنا معجون
لو قلت أحبك يوم.
يبقى الكلام خالص
ده الحب واحدمع إختلاف اللون