الكلمة العوجا مع ذاري الهبوب
ما نلتفت فيها ولا من قالها
ما تاجي إلا من وسيعين اللغوب
لا ربح قايلها ولا نْقالها
شلّه تجمعها الفشايل والذنوب
متورّطه دايم بشرّ أعمالها
ما يتبّع رأي الكذوب إلا كذوب
ولا يناسب للرحى إلا ثفالها
لهم فضايح مخزية من كل صوب
سبحان من يجزى البشر بأفعالها
واللي على طبع الوقاحة ما يتوب
والهينة تبرا له ويبرا لها
ولا شروق إلا ويقفاه الغروب
من خُلقت الدنيا وهذا حالها