ياصباح اعيونها اللي يحتريني
قبل هذا اليوم قلّي وين كانت ؟
طفلة ٍ آشوفها بيني وبيني
وين مالدّيت بالأنظار بانت
طفلة ٍ ترحل معي وتحل فيني
في سبيل الحب ما لحظه توانت
جيتها ماشوفها من دمع عيني
أشتكي دنيا قست مايوم لانت
قلت مدري وش أبي لكن عطيني
وامسحت دمعي وقالت : أص هانت
أنت تدري " فراقنا " دينه وديني
وأنا احس لحظاته " الملعون " حانت
خل عنك " الآه " واسمع ياضنيني :
العزا " معشوقتك مايوم خانت "
جيتها ترجف من اللهفة يديني
ورحت ولسان الخفوق يقول زانت
علمتني بالغياب انشد حنيني
واذكر إنه قالّي : كانت وكانت
طفلة ٍ أشوفها بيني وبيني
وين مالدّيت بالأنظار بانت