هلا يا مرحبا وأهلا حبيبي يا عويد الياس
مع النسناس احييها وقلبي غالبٍ ياسه
سمعت الصوت يزجرني ودقٍ فالحشا لأجراس
لهيب الشوق في صدري يماري دق لأجراسه
تناديني وانا المشتاق وهمسك شاغلٍ فالراس
وكل الشوق يا شوقي يخليني على راسه
حبيبي واستلم امري على ودٍ يضم أجناس
جدى روحك اعنيّها تبر وابريز بأجناسه
ومضمون الغلى شوقي وشوقك يالغلى احساس
تعال اسكن وسط عيني وحبك يملي احساسه
تداعب بالدلع فكري وتسكن في هوا لأنفاس
وانا ما بين أوجانك وقلبك بين انفاسه
واذا ناديت تلقاني... تقاسمني حلاه الكاس
محال اضمى انا منك.. وشوقي يمتلي كاسه