من باحث تويتر ومن باحث الفيس
هبت من التغريب ريح التواصل
ذعذاعها لا شك به عفن ومخيس
الخير قل ومجهم الشر واصل
واعلن سباق الفورملا مبتدى الريس
يارب ساعدني واقول ايش حاصل
مضمار في روضين من جنة ابليس
تحتار في خط اتجاهه بواصل
ينبت به الزقوم والحور تجنيس
وزبانيه طخمان والعقل فاصل
وزحمة جماهير تشجع بلا قيس
لا نوم لا راحه وشعب مواصل
بؤرة فساد ومعترك فكر تنكيس
منها طيور الجو تملى الحواصل
اسس على نبذ القيم خير تأسيس
بمباركات رموزها والقناصل
إبليس وأعوانه وجفره وكم تيس
تنصب على كل الدروب المقاصل
حمله صليبيه وبسلاح قديس
تحت الحزام الضرب على المفاصل
والله كأن الوقت عصر امرؤ القيس
فيه انمحت كل القيم والفواصل
مستنقعين الرجس ميراد للعيس
للي من العادات والدين ناصل
يلهج كبير السن من عاري الديس
كيف الصغير اللي شدوقه تماصل
جعبة ذنوب وعشرها يملي الكيس
وتضيق منه جيوبنا والمحاصل
متى يعود الرشد ونحارب إبليس
ومع النبي ودروب هديه نواصل